Хабарҳо

16 июни соли 2021 дар бинои Хадамоти иҷрои назди Ҳукумати Ҷумҳурии Тоҷикистон нишасти матбуотӣ оид ба фаъолияти Хадамоти иҷро дар нимсолаи аввали соли 2021 баргузор гардид. Дар нишасти матбуотӣ намояндаи Ҳукумати Ҷумҳурии Тоҷикистон, мудири бахши Раёсати ҳуқуқи Дастгоҳи иҷроияи Президенти Ҷумҳурии Тоҷикистон, муҳтарам Абдуллозода Фирдавс, сардори Раёсати ташкил ва назорати иҷрои ҳуҷҷатҳои иҷро, сардорони шуъбаву бахшҳои дастгоҳи марказии Хадамоти иҷро, иҷрочиёни калони Хадамоти иҷро дар ноҳияҳои шаҳри Душанбе ва шаҳру ноҳияҳои тобеъи ҷумҳурӣ иштирок доштанд.

Сардори Раёсати ҳуқуқи Дастгоҳи иҷроияи Президенти Ҷумҳурии Тоҷикистон Ғанизода Шуҳрат фаъолияти кормандони Хадамоти иҷрои назди Ҳукумати Ҷумҳурии Тоҷикистонро дар нимсолаи аввали соли 2021 назаррас арзёбӣ намуд.

25 июни соли 2021 дар Хадамоти иҷрои назди Ҳукумати Ҷумҳурии Тоҷикистон бо иштироки муовини раиси Иттифоқи нависандагони Тоҷикистон Равшани Махсумзод, шоираи ваҳдатсаро Шаҳрияи Аҳтамзод, корманди ҳафтаномаи «Адабиёт ва санъат», шоир Бузургмеҳри Тоҷиддин ҳамоиш бахшида ба ҷашни Ваҳдати миллӣ баргузор гардид.

Ғамхорӣ дар ҳаққи ятимону маъюбон, бепарасторон, шахсони ниёзманд ва дастгирии онҳо дар сиёсати иҷтимоии роҳбарияти давлату Ҳукумати Ҷумҳурии Тоҷикистон аз ҷумлаи самтҳои муҳим буда, дар тамоми қаламрави мамлакат гурӯҳҳои зикршудаи аҳолӣ аз ҳар як иқдому ташаббуси хайрхоҳона ва инсондӯстонаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон баҳраманд мегарданд.

17 марти соли 2021 Хадамоти иҷрои назди Ҳукумати Ҷумҳурии Тоҷикистон якҷо бо Иттифоқи нависандагони Тоҷикистон ботантана ва дар сатҳи баланди хештаншиносӣ ҷашни байналмилалии Наврӯзро таҷлил намуданд. Сардори Хадамоти иҷрои назди Ҳукумати Ҷумҳурии Тоҷикистон Барно Саидвализода ва муовини якуми Раиси Иттифоқи нависандагон Ато Мирхоҷа қайд намуданд, ки боиси хушнудӣ ва сарфарозист, ки бо ибтикори Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳамасола дар тамоми ҷаҳон бо шукӯҳу шаҳомати хоса 21 март ҳамчун Рӯзи байналмилалии Наврӯз таҷлил мегардад, ки барои мардуми кӯҳанбунёди тоҷик ифтихори бузург мебошад. Наврӯз ҷашни баробаршавии шабу рӯз, айёми киштукори баҳорӣ ва ҳама гуна ташаббусҳои созанда мебошад.

Собиқадори маориф, Аълочии маорифи Тоҷикистон Талбак Камолов аз шаҳри Роғун меҳмони идора шудаанд. Ростӣ, инсони наҷибеанд, некбин, самимӣ ва ба атрофиён ҳам ҳамин тавр менигаранд. Ҳар дафъа ба идора биоянд, аз кору бор, зиндагӣ, хонавода, дӯстон… мепурсанд.

Рӯзи 5 феврали соли 2020 нишасти матбуотии Хадамоти иҷрои назди Ҳукумати Ҷумҳурии Тоҷикистон оид ба ҷамъбасти фаъолият дар соли 2020 бо иштироки намояндаи Дастгоҳи иҷроияи Президенти Ҷумҳурии Тоҷикистон, роҳбарият, сардори раёсат, шуъба, бахшҳои дастгоҳи марказии Хадамот, сардорони раёсатҳои иҷро дар вилоятҳои Суғду Хатлон, сардори шуъбаи иҷро дар ВМКБ, иҷрочиёни калони ноҳияҳои шаҳри Душанбе, шаҳру ноҳияҳои тобеи ҷумҳурӣ, иҷрочиёни калони судҳои иқтисодии вилоятҳои Суғду Хатлон, Суди Олии иқтисодӣ, Суди иқтисодии шаҳри Душанбе, суди ҳарбӣ ва намояндагони васоити ахбори омма баргузор гардид.

Сардори Раёсати ҳуқуқи Дастгоҳи иҷроияи Президенти Ҷумҳурии Тоҷикистон Ғанизода Шуҳрат фаъолияти кормандони Хадамоти иҷрои назди Ҳукумати Ҷумҳурии Тоҷикистонро дар соли 2020 назаррас арзёбӣ намуд.

Имрӯз дар Хадамоти иҷрои назди Ҳукумати Ҷумҳурии Тоҷикистон ба муносибати Рӯзи Президент ҳамоиш доир карда шуд.